IN MEMORIAM CEleberrimi viri Domini FRANCISCI DRAKE militis, qui nuper in navali expeditione contra hostes patriae suae, ex Dysenteria laborans obijt. Viz. 28. die januarij. Anno Dominj. 1595.  

Fluctibus & bellis qui tot discrimina rerum  
Sustinuit, Patriae ductus amore suae;  
Appulit aeternae iam tandem Pacis ad oras  
Dracus, & aeternae praemia Pacis habet.   

Eidem.  
Qui freta lustrasti sub utroque iacentia Phaebo,  
Quaeque sub ambobus sunt peragranda Polis;  
Drace, tibi superas iam Caeli gratulor oras,  
Sed doleo nostras te moriente vices.   

Eidem.  
Maximus Hispano-Mastix, ipsique Philippo  
Qui timor & terror per mare nuper eras,  
Drace iaces: sed adhuc superest Essexius heros,  
In patrios hostes qui quoque Dracus erit.   Omnibus, qui Patriam conseruârint, adiwerint, auxerint; certus est in Coelo ac definitus Locus, ubi beati aevo sempiterno fruantur. Cic. in some. Scip. 
Fortunata igitur mors Francisci Drake, quae naturae debita, pro Patria potissimum est reddita.